Во склоп на проектните активности по ликовно,учениците ја посетија најновата уметничка поставка на македонскиот сликар Свето Манев во Културно Информативниот Центар во Скопје.
На платната на Манев беа претставени бели и сиви елегантни студиозни коњи кои галопираа, поточно јаваа беспросторно и безвремено.
Учениците ги фотографираа делата што им се допаѓаа, со цел во есејска форма да ги пренесат впечатоците како од поставката, така и од амбиентот какво доживување предизвикува кај нив.
Во склоп на уметничкиот центар учениците го посетија и изложбениот салон од мешани автори, при што кустосот беше љубезна каде поединечно им ги објаснуваше ликовните техники и правци. Учениците поставуваа прашања и водеа свои белешки кои ќе им помогнат да напишат ликовна критика за некое дело како задача во склоп на проектните активности.